რუსეთმა, მამაკაცების მასიური გადინების შემთხვევაში, შესაძლოა, საზღვრები სრულად ჩაკეტოს, – ამის შესახებ რუსული მედია იუწყება.

გამოცემის ინფორმაციით, საზღვრების ჩაკეტვის შესახებ გადაწყვეტილების მიღება რუსეთის ძალოვან უწყებებსა და თავად ვლადიმერ პუტინის განწყობებზეა დამოკიდებული.

„ხელისუფლება საზღვრის ჩაკეტვას რუსი კაცებისთვის უკრაინის ოკუპირებულ ტერიტორიებზე „რეფერენდების“ დასრულებამდე არ გეგმავს, თუმცა, ვითარება შეიძლება შეიცვალოს „თუ იქნება მასიური გადინება“. სიტუაცია დამოკიდებულია რუსეთის თავდაცვის სამინისტროს, სპეცსამსახურებისა და ძალოვანი სტრუქტურების შეფასებაზე, ასევე თავად ვლადიმირ პუტინზე, რომელიც დარწმუნებულია, რომ „რეფერენდუმი“ და მობილიზაცია უნდა განხორციელდეს რაც შეიძლება სწრაფად“, – აღნიშნულია გამოცემის ინფორმაციაში.