საფრანგეთის პრეზიდენტი ემანუელ მაკრონი ევროკავშირის ლიდერებს გაერთიანების ეკონომიკური ზრდის მოდელის რეფორმირებისკენ მოუწოდებს. ინფორმაციას Euractiv-ი ავრცელებს.

როგორც მაკრონი აღნიშნავს, თუ ეკონომიკური ზრდის მოდელის გადახედვა არ მოხდება, ევროკავშირი სამ-ოთხ წელიწადში აშშ-ს და ჩინეთს კონკურენციას ვეღარ გაუწევს.

ევროკავშირის მიდგომა ეკონომიკური ზრდისა და საერთაშორისო ვაჭრობისადმი, მაკრონის აზრით, დასახულ მიზნებს აღარ შეესაბამება. ევროკავშირი შესაძლოა საერთაშორისო ბაზრის არააქტუალური წევრი გახდეს.

„თუ ჩვენ ჩვენი ზრდის [ძველ] მოდელს გავაგრძელებთ, სამ-ოთხ წელიწადში არაკონკურენტუნარიანები გავხდებით“, - აღნიშნა საფრანგეთის პრეზიდენტმა.

„მე მართალ ვთვლი ასე“, - დასძინა მან და აღნიშნა, რომ ევროკავშირის ეკონომიკური ზრდა ადრე დიდწილად ჩინეთში საავტომობილო მრეწველობის ექსპორტზე, იაფ რუსულ გაზზე და აშშ-ის მხრიდან თავდაცვით ქოლგაზე იყო დამოკიდებული.

მაკრონმა ევროკავშირს „გამოღვიძებისკენ“და საკუთარი საქმიანობის გადატვირთვისკენ მოუწოდა.