კოლუმბიის დედაქალაქ ბოგოტაში მიმდინარე ძალოსანთა მსოფლიო პირველობაზე დასრულდა ასპარეზობა +109 კგ წონით კატეგორიაში

ქართველმა ძალოსანმა, ორგზის ოლიმპიურმა და ხუთგზის მსოფლიო ჩემპიონმა ლაშა ტალახაძემ ატაცში 215 კგ (210კგ, 215კგ, 220კგ*) დასძლია და ოქროს მედალი მოიპოვა.

მეორე მოძრაობაში, აკვრაში, ლაშა ტალახაძემ 251 კგ-ით მოიპოვა ოქროს მედალი.

ორჭიდის ჯამში ლაშა ტალახაძე 466 კგ-ით მსოფლიო ჩემპიონის ოქროს მედლის მფლობელი გახდა.

ლაშა ტალახაძე მეექვსედ გახდა მსოფლიო ჩემპიონი.