საქართველოს პრემიერ-მინისტრი ირაკლი კობახიძე დონალდ ტრამპს შტატების საპრეზიდენტო არჩევნებში გამარჯვებას ულოცავს.

„ვულოცავ პრეზიდენტ დონალდ ტრამპს არჩევნებში გადამწყვეტ გამარჯვებას. დარწმუნებული ვარ, რომ პრეზიდენტ ტრამპის ხელმძღვანელობა ხელს შეუწყობს გლობალურ მშვიდობას და ჩვენს რეგიონში, ასევე უზრუნველყოფს ამერიკა-საქართველოს ურთიერთობების განახლებას,“- წერს სოციალურ ქსელში ირაკლი კობახიძე.

აშშ-ში 5 ნოემბერს საპრეზიდენტო არჩევნები გაიმართა. Fox News-ის წინასწარი მონაცემებით, ტრამპმა ამომრჩეველთა კოლეგიის 277 ხმა მიიღო, რაც საკმარისია, რომ ის არჩეულ პრეზიდენტად გამოცხადდეს. მისმა კონკურენტმა „დემოკრატიული“ პარტიიდან კამალა ჰარისმა ამომრჩეველთა კოლეგიის 226 ხმა მიიღო.