მისი თქმით, მნიშვნელოვანია კოორდინირება იმ ქვეყნებისთვის, რომლებსაც შეუძლიათ შეზღუდონ ენერგორესურსების იმპორტი რუსეთიდან.

მინისტრმა დასძინა, რომ იაპონია მზადაა განიხილოს რუსეთის წინააღმდეგ ახალი სანქციები G7-ის ფარგლებში, აშშ-ს პრეზიდენტის ჯო ბაიდენის წინადადების შემდეგ.

აღსანიშნავია, რომ გასულ წელს რუსული ნავთობი შეადგენდა იაპონიის ნავთობის მთლიანი იმპორტის 4%-ს, გაზი იაპონიის იმპორტის 9%-ს, ხოლო რუსული ნახშირი იმპორტის 11%-ს შეადგენდა.

შეგახსენებთ, ევროკომისიამ საბოლოოდ გადაწყვიტა გამოაცხადოს რუსეთის წინააღმდეგ ეკონომიკური სანქციების მეექვსე პაკეტი.