ლიზ ტრასის თქმით, ის 8 სექტემბერს საღამოს ესაუბრა მეფე ჩარლზს და სამძიმარი გამოუცხადა.

„მისი უდიდებულესობა, დედოფალი ელისაბედ მეორე იყო ერთ-ერთი უდიდესი ლიდერი, რომელსაც მსოფლიო ოდესმე იცნობდა. ის იყო კლდე, რომელზეც თანამედროვე ბრიტანეთი აშენდა. ის ტახტზე ავიდა სულ რაღაც 25 წლის ქვეყანაში, რომელიც ომის ჩრდილიდან გამოდიოდა. მან მემკვიდრეობით დატოვა თანამედროვე, დინამიური ერი, რომელიც გაიზარდა და აყვავდა მისი მმართველობის ქვეშ. ის, რომ გაერთიანებული სამეფო დღეს დიდებული ქვეყანაა, მისი დამსახურებაა. თანამეგობრობა დღეს ერთი ოჯახი სწორედ მისი დამსახურებით არის. ის იყო ინგლისის, შოტლანდიის, უელსისა და ჩრდილოეთ ირლანდიის კავშირის ერთგული. ის 15 ქვეყანას ემსახურებოდა როგორც სახელმწიფო მეთაური და უყვარდა ყველა მათგანი“, – განაცხადა ლიზ ტრასმა.