ცნობილია დღეს სენაკში, ავარიის შედეგად გარდაცვლილი გოგოს ვინაობა.

ის სენაკელი, 25 წლის რუსკა ინალიშვილია. 

"საშინელი ტრაგედია დატრიალდა, მეჯვარე იყო ქორწილიდან ბრუნდებოდნენ, რა დროსაც მძიმე ავარია მოუვიდათ.   ავტომობილი გზიდან გადავარდა. ოთხი პირი დაშავდა",- ჰყვებიან ადგილობრივები “სფეისნიუსთან”.

სასწრაფო-სამედიცინო დახმარების ბრიგადებმა დაშავებული ოთხი ადამიანი, სხვადასხვა სახის დაზიანებებით, კლინიკაში გადაიყვანეს. ექიმების ინფორმაციით, ორი დაშავებულის მდგომარეობა მძიმეა, ორის კი, შედარებით, მსუბუქი.

ადგილზე მობილიზებული იყო საპატრულო პოლიციის ეკიპაჟები. შსს-ს ინფორმაციით, მომხდარზე გამოძიება სსკ-ის 276-ე მუხლით არის დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

აღსანიშნავია, რომ მომხდარი ავარიის გამო, დღეს სენაკში გალა კონცერტი გაუქმდა.