„ელენე ხოშტარიასთან გვქონდა საკმაოდ გულწრფელი საუბარი, გავცვალეთ არგუმენტებიც. ჩვენ მივაწოდეთ მას ინფორმაცია გარკვეულ დეტალებთან დაკავშირებით. ამაზე საჯაროდ საუბარი ალბათ გამიჭირდება და არ იქნება სწორი. ბუნებრივია, ჩვენს თხოვნაზე მისი პასუხი დადებითი ვერ იქნებოდა. როგორ წარმოგიდგენიათ, რომ ელენე ხოშტარიას ეთქვა, კი ბატონო, ახლავე შევწყვეტ შიმშილობასო. ასეთი მოლოდინი არც გვქონდა, უბრალოდ ვთხოვეთ შიმშილობის შეწყვეტა, თუმცა ის ამ პოზიციას არ იზიარებს“, - განაცხადა მდინარაძემ.

მიხეილ სააკაშვილის მრავალპროფილურ კლინიკაში გადაყვანის მოთხოვნით „დროას“ ლიდერმა, ელენე ხოშტარიამ შიმშილობა 3 ნოემბერს დაიწყო.