ხორვატიის დედაქალაქ ზაგრებში მიმდინარე ძიუდოს გრანპრის დასკვნით საშეჯიბრო დღეს აკაკი ჯაფარიძემ (90 კგ) ბრინჯაოს მედალი მოიპოვა. ტურნირზე მესამე ადგილზე გასვლის შანსი ჰქონდა გიორგი ჯაბნიაშვილსაც (90 კგ), მაგრამ იგი ნიდერლანდელ მეტოქესთან დამარცხდა და შეჯიბრება უმედლოდ დაასრულა.

დღეს გრანპრიზე გამომსვლელი მესამე ქართველი უჩა ტაბატაძე (+100 კგ) პირველივე დაპირისპირებაში დამარცხდა.

საბოლოოდ, საქართველოს ნაკრებმა ზაგრებში გამოსვლა ორი მედლით დაასრულა. შეგახსენებთ, რომ პირველ საასპარეზო დღეს თენგიზ ზირაქაშვილმა (66 კგ) ბრინჯაოს მედალი მოიპოვა.

2023 წელს საქართველოს ნაკრები ზაგრებში მხოლოდ სამი ძიუდოისტით გამოვიდა (საბა გრიგალაშვილი, ალექსანდრე რაფავა, ლუკა კაპანაძე), მაგრამ მედლის აღება ვერ მოახერხა.