USAID კრიმინალური ორგანიზაციაა, - წერს X-ზე ილონ მასკი და აზიარებს ორგანიზაციის საქმიანობის ამსახველ ვიდეოკოლაჟს, რომელშიც საქართველოში გამართული საპროტესტო აქციების კადრებიც არის შესული.

კერძოდ, მასკი აზიარებს მაიკ ბენცის პოსტს, სადაც ბენცი საუბრობს USAID-ისა და მისი როლის შესახებ ინტერნეტცენზურასა და პოლიტიკური კონტროლის სტრუქტურების შექმნის მიმართულებით.

„მე ჩავატარე 50-საათიანი პირადი ლექციები USAID-ისა და მისი მთავარი როლის შესახებ ინტერნეტცენზურაში, საზოგადოებაზე პოლიტიკური კონტროლის სტრუქტურების შექმნასა და მის საკვანძო როლზე CIA-ს თაღლითურ მუშაობაში. როდესაც ამ კვირაში სახლში დავბრუნდები, დავდებ ამ ჩანაწერებს“, – წერს ბენცი.

ამასთან, ბენცი აღნიშნულ პოსტს თან ურთავს მის მიერვე მომზადებულ ვიდეოს, სადაც თბილისში გამართული აქციების კადრებიც მოხვდა.

„გაკვეთილი მიმდინარეობს! დღეს საღამოს 21:00 საათზე მე ჩავატარებ კიდევ ერთ ლექციას ლაივსტრიმინგზე ჩემი საყვარელი გამომწერებისთვის: უფრო ღრმად ჩავწვდები „USAID-ის გაგებას“. შემდეგ, კვირის ბოლოს, მე გამოვაქვეყნებ კლიპებს, თუ რა არის ჩემი აზრით ყველაზე მნიშვნელოვანი განყოფილებები“, – აღნიშნავს ბენცი ვიდეოს აღწერაში.

აშშ-ის საერთაშორისო განვითარების სააგენტოს (USAID) ვებგვერდი ამ დროისთვის მიუწვდომელია. 

ასევე წაიკითხეთ:

USAID-ი კრიმინალური ორგანიზაციაა - დროა ის მოკვდეს - ილონ მასკი

მასკმა ასევე გააკრიტიკა “დემოკრატიის ეროვნული ფონდი” და მას “თაღლითი” უწოდა.