აშშ-ის საფოსტო სამსახურის განცხადებით, ჩინეთიდან და ჰონგ კონგიდან აშშ-ში შემავალი ყველა ამანათის მიღება შეჩერდება პრეზიდენტ დონალდ ტრამპის მიერ ჩინურ იმპორტზე 10%-იანი ტარიფების დაწესების შემდეგ, რაც მნიშვნელოვნად შეაფერხებს ელექტრონული კომერციის ძირითადი პოპულარული დაბალფასიანი პლატფორმების [როგორებიცაა Shein-ი, Temu და Amazon Haul-ი] ოპერაციებს.

ვებსაიტზე გამოქვეყნებულ განცხადებაში ნათქვამია, რომ შეერთებული შტატების საფოსტო სამსახურმა დროებით შეაჩერა იმპორტირებული პროდუქციის მიღება-მიწოდების ოპერაციები. აღნიშნული გადაწყვეტილება გავლენას მოახდენს მხოლოდ ჩინეთისა და ჰონგ კონგის ფოსტებიდან საერთაშორისო მასშტაბით გაგზავნილ ამანათებზე და არ იმოქმედებს ფოსტებიდან წერილებისა და ღია ბარათების რეგულარულად გაგზავნაზე.