აშშ-ის სახელმწიფო მდივანის მარკო რუბიოს განცხადებით, შეერთებული შტატები გააგრძელებს საერთაშორისო დახმარების პროექტების დაფინანსებას, მაგრამ მხოლოდ "მათი ეფექტურობისა და პრიორიტეტულობის" მიხედვით.

გვატემალაში ვიზიტზე საუბრისას, სულ რაღაც ორი დღით ადრე, სანამ აშშ-ის საერთაშორისო განვითარების სააგენტოს (USAID) თანამშრომლების უმეტესობას ადმინისტრაციულ შვებულებაში გაუშვებენ, რუბიომ განაცხადა:

„ჩვენთვის უმჯობესია, რომ ეს საკითხი უფრო მოწესრიგებულად, ეფექტურობისა და პრიორიტეტულობის მიხედვით განვიხილოთ. ეს საშუალებას მოგვცემს, განვსაზღვროთ, რომელი პროგრამები უნდა იყოს საგანგებოდ დაფინანსებული. ყველა სამომავლო პროექტი შეფასდება იმის საფუძველზე, უზრუნველყოფს თუ არა ისინი ჩვენს უსაფრთხოებას, სიძლიერეს და კეთილდღეობას და შეესაბამება თუ არა ისინი შეერთებული შტატების, კერძოდ, პრეზიდენტ ტრამპის საგარეო პოლიტიკას. ეს არ არის ქველმოქმედება ან კერძო ფონდები, არამედ ამერიკელი გადასახადის გადამხდელთა ფონდები. ჩვენ გვაქვს ვალდებულება, რომ ეს თანხები გონივრულად დავხარჯოთ", - თქვა რუბიომ.