არგენტინის დედაქალაქ ბუენოს-აირესის გარეუბანში, არხში წყალი გაწითლდა, რომელიც მდინარე რიო დე ლა პლატაში ჩაედინება. როგორც ცნობილია, რიო დე ლა პლატა ეკოლოგიურ ნაკრძალს ესაზღვრება

ადგილობრივი მედიის ცნობით, წყლის გაწითლება შესაძლოა არხში ტექსტილის საღებავის ან ახლომდებარე საწყობიდან ქიმიური ნარჩენების გადაყრამ გამოიწვია.

არგენტინის გარემოს დაცვის სამინისტროს განცხადებით, წყლის ფერის ცვლილების მიზეზის დასადგენად არხიდან წყლის სინჯები აღებულია.

მოსახლეობის მტკიცებით, არხში ბევრი ადგილობრივი ტყავის გადამამუშავებელი და ტექსტილის კომპანია ყრის ტოქსიკურ ნარჩენებს.