აზერბაიჯანში ცხოვრობს ქალი, რომელიც პასპორტის მიხედვით 133 წლისაა. ამის შესახებ აზერბაიჯანული მედია იუწყება.

მათივე ცნობით, ეს ეჭვქვეშ აყენებს იმ ფაქტს, რომ რამდენიმე დღის წინ საფრანგეთში გარდაცვლილი მონაზონი ყველაზე ხანდაზმული იყო მსოფლიოში.

თუ თამამ აზიზოვას ასაკი გერონტოლოგიის კვლევითმა ჯგუფმა დაადასტურა, მაშინ გამოვა, რომ გარდაცვლილი მონაზონი ლუსილ რადონი მას უმცროს დად შეეფერებოდა.

აზიზოვა აზერბაიჯანის უძველესი მცხოვრებია - ლანკარანიდან, სადაც ათი შვილი გაზარდა - საკუთარი და ნაშვილები. ასევე, ჰყავს 42 შვილიშვილი, 71 შვილთაშვილი და  31 შვილთაშვილთაშვილი.