ევროპული დელეგაციის მხრიდან თბილისის აქციაზე გამოსვლისას გახმოვანებულ მოთხოვნებს, მათ შორის, სააკაშვილის გათავისუფლების ინიციატივას, მმართველი გუნდი პასუხობს და ამბობს, რომ არსებობს სტრასბურგის გადაწყვეტილება, რომლის მიხედვითაც პატიმრის უფლებები არ ირღვევა და სასჯელი კანონიერია.

"ყველაზე გულდასაწყვეტი რაც არის, ეს არის უხეში ჩარევა სხვა ქვეყნის საქმეებში, ეს არის სუვერენიტეტის უხეში ფეხქვეშ გათელვა და ყველაზე არამეგობრული ნაბიჯი, რაც კი შეიძლება გააკეთოს რომელიმე ქვეყნის ოფიციალურმა თანამდებობის პირმა. თითქოს აღარც გაეროს წესდება აღარ არსებობს და აღარც ქვეყნების სუვერენიტეტი, აღარც თანასწორობა ქვეყანათა შორის და ვიღაცების სურვილებსა და დაკრულზე უნდა იცეკვოს თურმე მთელმა ქვეყანამ, რაც კატეგორიულად მიუღებელია", - აცხადებს პარლამენტის ფრაქცია "ქართული ოცნების" თავმჯდომარის პირველი მოადგილე არჩილ გორდულაძე.