ძლიერი წვიმის შედეგად გაგრის რაიონში 1100-მდე კომლი დაიტბორა, დაზარალდა სამი სოფელი, ერთი დასახლება და ნაწილობრივ გაგრა - განუცხადა დეფაქტო პრეზიდენტს რაიონის გამგებელმა იური ხაგუშმა.

სოფლების ხელმძღვანელები ამოწმებენ სახლების მდგომარეობას. შედეგების შეფასება ჯერჯერობით შეუძლებელია.

გარდა ამისა, დაიტბორა გზები სოფლებში, დაიტბორა სამთავრობო დაწესებულებები - ბზიფის მილიცია, კულტურის სახლი ბიჭვინთაში, მრამზას საბავშვო ბაღი, პირველი სართულები და დაზიანდა 250-მდე მანქანა“, - განაცხადა ხაგუშმა.

10 ივლისს, ორშაბათს დილიდან, ოკუპირებული აფხაზეთის საგანგებო სიტუაციების „სამინისტრო“ აგრძელებს გაგრის რაიონში მომხდარი სტიქიის შედეგების ლიკვიდაციას.

მაშველები სახლებიდან, შენობებიდან და სარდაფებიდან წყალს ამოტუმბვენ.