როგორც კლიჩკომ ბრიფინგზე განაცხადა, ვითარება რთულია, მტერს დედაქალაქის განადგურება სურს.

„ქალაქი თავდაცვის ფაზაზე გადავიდა. ახლა ზოგიერთ რაიონში ისმის სროლის და აფეთქების ხმა. უკრაინელი სამხედროები ანეიტრალებენ რუსების დივერსიულ ჯგუფებს. სამწუხაროდ, ამ დივერსიული ჯგუფებიდან ზოგიერთმა უკვე შეაღწია კიევში. მტერს სურს, დედაქალაქი დააჩოქოს და გაგვანადგუროს“, – განაცხადა კლიჩკომ.

მისივე თქმით, უკრაინის არმია უზრუნველყოფს თავდაცვას კიევის გარშემო.

„ვითარება რთულია, თუმცა ჩვენ გვჯერა ჩვენი შეიარაღებული ძალების, მხარს ვუჭერთ მათ და ვეხმარებით“,  -აღნიშნა კიევის ერმა.

ვიტალი კლიჩკომ დედაქალაქის მოსახლეობას მიმართა, განსაკუთრებით ობოლონის რაიონის მცხოვრებლებს და მოუწოდა, არ გავიდნენ სახლებიდან ან თავშესაფრებიდან.

„გააკეთეთ წყლის, საკვების და პირველადი საჭიროების ნივთების მარაგები, მოამზადეთ თბილი ტანსაცმელი, საბნები, რათა წაიღოთ ისინი თავშესაფარში“, – ურჩია მან მოქალაქეებს.