პრეზიდენტმა დონალდ ტრამპმა ფიცის დადების შემდეგ აშშ-ის კაპიტოლიუმში პირველ აღმასრულებელ ბრძანებებს მოაწერა ხელი. მანამდე, ტრამპის ადმინისტრაციის ოფიციალურმა პირმა „სიენენს“ განუცხადა, რომ ტრამპი ინაუგურაციის შემდეგ კაპიტოლიუმში ხელს მოაწერდა აღმასრულებელ ბრძანებების ნაწილს, ხოლო დანარჩენებს – იმავე დღეს Capital One Arena-ზე სცენაზე გამოსვლისას.

ცნობისთვის, მანამდე აშშ-ის პრეზიდენტმა, დონალდ ტრამპმა განაცხადა, რომ თეთრ სახლში დაბრუნებისთანავე „რეკორდული“ რაოდენობის ბრძანებულებების ხელმოწერას გეგმავს.

მისივე თქმით, დღის წესრიგშია მასობრივი დეპორტაცია და ვიზიტი ხანძრებისგან დაზარალებულ ლოს ანჯელესში.