პიეტრო პაროლინის თქმით, მიუხედავად რუსეთის მიერ უკრაინის წინააღმდეგ გაჩაღებული ომისა, ის დარწმუნებულია, რომ ყოველთვის არის ადგილი მოლაპარაკებებისთვის.

ვატიკანის სახელმწიფო მდივანმა აღნიშნა, რომ დიალოგი ერთადერთი გონივრული და კონსტრუქციული გზაა განსხვავებების მოსაგვარებლად.

უკრაინაში საომარი მდგომარეობაა გამოცხადებული. აშშ-მ, დიდმა ბრიტანეთმა, ევროკავშირმა, იაპონიამ, კანადამ და სხვა ქვეყნებმა რუსეთს მკაცრი სანქციები დაუწესეს. 27 თებერვალს კი უკრაინამ რუსეთის წინააღმდეგ გაეროს საერთაშორისო სასამართლოში შეიტანა სარჩელი.