მისი თქმით, სააკაშვილის მკურნალობის პროცესში უკრაინელი ექიმები და ექსპერტები უნდა ჩაერთონ.

„მე არაერთხელ აღვნიშნე, აუცილებელია მიხეილის მკურნალობის გაგრძელება მულტიფუნქციურ სამოქალაქო კლინიკაში ან მის ფარგლებს გარეთ. უკრაინამ უნდა დაავალოს თავის ექიმებსა და ექსპერტებს, რომ დადგინდეს ჩვენი მოქალაქის ჯანმრთელობის დაზიანების ხარისხი. მოვუწოდებ სხვა სახელმწიფოებსა და საერთაშორისო უფლებადამცველ ორგანიზაციებს, მკაცრად დაგმონ ქართველი თანამდებობის პირების ქმედებები, რომლებიც არღვევენ მიხეილ სააკაშვილის სიცოცხლის, ჯანმრთელობისა და სამედიცინო მომსახურების უფლებებს, რომლებიც გათვალისწინებულია ადამიანის უფლებათა და ძირითად თავისუფლებათა დაცვის კონვენციის მე-2 მუხლში“, - აცხადებს დენისოვა.