უკრაინას იყენებენ იმისთვის, რომ რუსეთის უსაფრთხოება კრიტიკული საშიშროების ქვეშ დააყენონ - ამის შესახებ რუსეთის პრეზიდენტმა ვლადიმერ პუტინმა ბრიკსის სამიტის პლენარულ სესიაზე სიტყვით გამოსვლისას განაცხადა. 

„ამის ერთ-ერთი მაგალითია უკრაინა, რომელსაც იყენებდნენ და იყენებენ იმისთვის, რომ რუსეთის უსაფრთხოებას კრიტიკული საშიშროება შეუქმნან და ამ ფონზე, იგნორირებას უკეთებენ ჩვენს სასიცოცხლო ინტერესებს, სამართლიან შეშფოთებას რუსულენოვანი ადამიანების უფლებების დარღვევის შესახებ, ახლა კი, არ მალავენ მიზანს, რომ ჩვენმა ქვეყანამ სტრატეგიული მარცხი განიცადოს“, - ამბობს პუტინი. 

მისივე თქმით, ეს არის მოჩვენებითი გათვლები, რომელთა გაკეთებაც მხოლოდ მათ შეუძლიათ, ვინც რუსეთის ისტორია არ იცის.