პოლიციის ცნობით, უგანდაში, ლტოლვილთა ბანაკში, მეხის დარტყმას 13 ბავშვი და ერთი ზრდასრული ემსხვერპლა. ასევე დაშავდა 34 ადამიანი. ინციდენტი იმ დროს მოხდა, როცა მლოცველები საეკლესიო წირვას ესწრებოდნენ.

შემთხვევა უგანდის ჩრდილო-დასავლეთში, პალაბეკის ლტოლვილთა დასახლებაში, მოხდა.

გაეროს ლტოლვილთა სააგენტოს ცნობით, პალაბეკის ლტოლვილთა დასახლებაში 80000-ზე მეტი ლტოლვილი და თავშესაფრის მაძიებელი ცხოვრობს. ბევრი მათგანი მეზობელი სამხრეთ სუდანიდანაა.