თურქეთმა და სერბეთმა გადაწყვიტეს, ერთობლივად იმუშაონ თავდაცვის ინდუსტრიის განვითარებაზე, – ამის შესახებ თურქეთის პრეზიდენტმა, რეჯეფ თაიფ ერდოღანმა სერბეთში ვიზიტის დროს განაცხადა.

თურქეთის პრეზიდენტის თქმით, ორმხრივი თანამშრომლობის ნაწილი იქნება თურქული უპილოტო საფრენი აპარატები.

ერდოღანის განცხადებით, სერბეთთან ერთობლივი თავდაცვის ინდუსტრიის განვითარება მშვიდობის შენარჩუნებას ისახავს მიზნად.

„არავინ არ უნდა ეცადოს, გვიკარნახოს, რას უნდა შეიცავდეს თურქეთისა და სერბეთის თავდაცვის ინდუსტრიის შინაარსი ჩვენს გარდა. თურქეთის შესაძლებლობები უპილოტო საჰაერო აპარატებში, რა თქმა უნდა, ასევე დაიკავებს თავის ადგილს თავდაცვის ინდუსტრიაში გადასადგმელ ნაბიჯებში. როგორც მე განვაცხადე თავდაცვის ინდუსტრიაში გადასადგმელ ნაბიჯებთან დაკავშირებით, სერბეთს აქვს ის შესაძლებლობები, რაც დღეს აქვს და ჩვენ გვაქვს ჩვენი. ჩვენ ერთად შევაფასებთ მათ, როგორც ორი მეგობარი ქვეყანა“, – განაცხადა რეჯეფ თაიფ ერდოღანმა.