სახელმწიფო უსაფრთხოების სამსახურის მიერ ტერორიზმის შესახებ ცრუ შეტყობინების ფაქტზე დაკავებულ საქართველოს მოქალაქეს სასამართლომ აღკვეთის ღონისძიების სახით პატიმრობა შეუფარდა.

როგორც სასამართლო სხდომაზე საქმის პროკურორმა აღნიშნა, ბრალდებულმა 112-ზე დარეკა და განაცხადა, რომ ერთ-ერთ სავაჭრო ცენტრში ასაფეთქებელი მოწყობილობები იყო.

ამასთან, დაცვის მხარის განცხადებით, ბრალდებულს ჯანმრთელობის ფსიქიკური პრობლემები აქვს და ის ჩადენილ ქმედებებს ვერ აცნობიერებს. მან დაცვის ქვეშ მყოფისთვის აღკვეთის ღონისძიების სახით 5000-ლარიანი გირაოს შუამდგომლობა დააყენა, რაც სასამართლომ არ გაითვალისწინა.

შემდეგი სასამართლო პროცესი 31 ივლისს გაიმართება.