ჩარკვიანის თქმით, ინიციატივა სხვადასხვა ქვეყნიდან ჩამოსულ ემიგრანტებს ეკუთვნის.

ამასთან, პარტიის ოფისში გამართულ ბრიფინგზე დეპუტატმა მოსახლეობას სააკააშვილის მხარდამჭერ აქციაზე წასვლისკენ მოუწოდა, რომელიც დღეს 15:00 საათზე რუსთავის ციხესთან გაიმართება.

"არჩევნები მოგებულია იმ გაყალბების ფონზე. ეს არჩევნები საქართველომ მოიგო. სამ საათზე ჩვენ აქედან მსვლელობით წავალთ. სამზე უნდა ვიყოთ ციხესთან, სადაც დამწყვდეულია ის პრეზიდენტი, რომელმაც პრაქტიკულად, ააშენა სახელმწიფო ინსტიტუტები, რომელიც ამათმა დაანგრიეს", - ამბობს ჩარკვიანი.

საქართველოს ექსპრეზიდენტი მიხეილ სააკაშვილი თბილისში დააკავეს. მოგვიანებით ის რუსთავის  პენიტენციურ  დაწესებულებაში გადაიყვანეს.