ოკუპირებული სოხუმის ცენტრში, კოგონიას ქუჩაზე, მამაკაცის ცხედარი იპოვეს. 

როგორც აფხაზური მედია იუწყება, მომხდარის მიზეზები დგინდება. 

შემთხვევის ადგილზე დე ფაქტო გენერალური პროკურორი ადგურ აგრბა, დე ფაქტო შს მინისტრის მოადგილეები - აჯიბა და ჭკადუა იმყოფებიან. 

დე ფაქტო გენერალური პროკურატურის ინფორმაციით, ცხედარს ძალადობრივი სიკვდილის ნიშნები აღენიშნება.

დე ფაქტო სამართალდამცავი ორგანოები ოპერატიულ ღონისძიებებს ატარებენ, რათა მომხდარის გარემოებები დაადგინონ.