„ქართული ოცნების“ რეიტინგი რა თქმა უნდა მზარდია, იმიტომ რომ ჩვენ ვაწარმოებთ წინასაარჩევნო კამპანიას ადგილობრივი თვითმმართველობის არჩევნებისას. ჩვენ ვხედავთ, რომ ჩვენი ოპონენტები დღემდე არ აწარმოებენ არანაირ კამპანიას. მათი ერთადერთი კამპანია არის დეზინფორმაციის, ზიზღის ენისა და სხვადასხვა მანიპულირებული კვლევის მედიაკამპანია“, - განაცხადა პაპუაშვილმა.

„გორბის“ კვლევის თანახმად, გამოკითხულთა 49,6% მხარს „ქართულ ოცნებას“ უჭერს, 25,9% კი „ნაცმოძრაობას“. თბილისის მერის არჩევნებში კახა კალაძეს გამოკითხულთა 53,6%; ნიკა მელიას კი 27,7% აძლევს ხმას.