საქართველოს ეროვნულმა ნაკრებმა, რომელიც ერთა ლიგის ახალი გათამაშების მატჩებისთვის ემზადება, საგურამოში მესამე ვარჯიში გამართა.

ვილი სანიოლის გუნდმა შეკრების დაწყების შემდეგ სრული შემადგენლობით პირველად ივარჯიშა. 4 სექტემბერს  შეკრებას გიორგი ქოჩორაშვილი შეუერთდა, რომელმაც „ლევანტეში“ 2 სექტემბერს ითამაშა და „ეიბართან“ (2:2) საგოლე გადაცემა მიითვალა.

სექტემბერში საქართველოს ეროვნული გუნდი ერთა ლიგის ორ მატჩს გამართავს. 7 სექტემბერს მიხეილ მესხის სახელობის სტადიონზე ჩეხეთს უმასპინძლებს, ხოლო 10 სექტემბერს ტირანაში ალბანეთის ნაკრებს დაუპირისპირდება.

ერთა ლიგის მატჩების პირდაპირ ტელერეპორტაჟებს, ტრადიციულად, საქართველოს პირველი არხი შემოგთავაზებთ.