საქართველოს დამოუკიდებლობის დღეს, სამხედრო ფიცის დადების ცერემონია თბილისსა და 10 რეგიონში გაიმართა. ფიცი ჩაიბარა თავდაცვის ძალების მეთაურმა, გენერალ-მაიორმა გიორგი მათიაშვილმა.

თბილისში მიმდინარე ღონისძიებას პრეზიდენტი, მთავრობის, პარლამენტისა და დიპლომატიური კორპუსის წარმომადგენლები ესწრებიან.

ფიცის დადების ცერემონიამდე ღონისძიების მონაწილეებმა საქართველოს ტერიტორიული მთლიანობისთვის ბრძოლებში დაღუპულ ქართველ მებრძოლთა ხსოვნას წუთიერი დუმილით პატივი მიაგეს.