მაშველები მდინარე ნაკრაში გადავარდნილი მანქანის მგზავრებს, სამ არასრულწლოვანს, ამ დრომდე ეძებენ. ავტომობილი, რომელშიც ისინი ისხდნენ, მდინარეში გუშინ გადავარდა.

"მანქანა ნაპოვნია, მასში მსხდომ ახალგაზრდებს კი ამ დრომდე უშედეგოდ ეძებენ. მაშველებთან ერთად, სამუშაოებში ადგილობრივები ჩართულნი ვართ",- ამბობს რადიო “სივრცესთან” ერთ-ერთი ადგილობრივი.

სამეგრელო-ზემო სვანეთის გუბერნატორის მოადგილის ინფორმაციით კი, მანქანაში მყოფი ორი არასრულწლოვანი სოფელ ნაკრას მკვიდრია, ერთი კი – ზუგდიდის. მისი თქმით, შემთხვევას თვითმხილველი არ ჰყავს.

ცნობილია მოზარდების ვინაობა, რომელბსაც მაშველები ამ დრომდე ეძებენ. ესენი არიან - ეკა ვიბლიანი, საბა გვარმიანი, გიორგი ვიბლიანი.