საარჩევნო ბიულეტენებისთვის საჭირო ქაღალდის ნაკლებობის გამო, გერმანიაში ვადამდელი არჩევნები შესაძლოა, ვერ ჩატარდეს.

ამის შესახებ The Telegraph-ი იტყობინება.

გერმანიის სამპარტიული მმართველი კოალიცია შვიდ ნოემბერს დაიშალა.

ქვეყანაში მომდევნო საპარლამენტო არჩევნები 2025 წლის 28 სექტემბერს უნდა გამართულიყო.

გერმანიის კანცლერი, ოლაფ შოლცი აცხადებს, რომ ოპოზიციურ პარტიებთან ვადამდელი საპარლამენტო არჩევნების თარიღზე იმსჯელებს, იქამდე კი მათ წლის ბოლომდე მისაღებ კანონებზე თანამშრომლობისკენ მოუწოდებს.