გავრცელებული ინფორმაციით, მიხეილ სააკაშვილს დღეს დამატებითი კვლევა დასჭირდა, რის გამოც სხვა კლინიკაში დროებით გადაიყვანეს. 

კლინიკის დირექტორი ზურაბ ჩხაიძე დამატებითი კვლევის ჩატარების შესახებ ინფორმაციას ადასტურებს, თუმცა არ აკონკრეტებს, კერძოდ, რომელ კლინიკაში გადაიყვანეს და ან, რა სახის კვლევა გახდა საჭირო. ამჟამად, ყოფილი პრეზიდენტი კვლავ “ვივამედშია”.

“რაც იყო რეკომენდირებული ჩვენი კონსულტანტების მიერ, ჩაუტარდა შესაბამისი კვლევა," ამბობს ჩხაიძე. 

მისივე განმარტებით, "ვივამედში" აღნიშნული კვლევები მიხეილ სააკაშვილს ტექნიკური მიზეზების გამო ვერ ჩაუტარეს.