რუსეთის ფედერალურმა საბაჟო სამსახურმა გაავრცელა ინფორმაცია სტავროპოლის მხარეში ცხრა ტოიოტას, მერსედესისა და ლექსუსის მანქანების დაკავების შესახებ - იუწყება „ეხო კავკაზა“.

დეპარტამენტის ინფორმაციით, საბაჟო ოფიცრებმა დაადგინეს, რომ ავტომობილები საქართველოდან შემოყვანილი იყო ზემო ლარსის გავლით, სადაც ისინი საბაჟო ტრანზიტის პროცედურის რეჟიმში განათავსეს, რომელთა დანიშნულების პუნქტია – ყირგიზეთი.

„საბაჟო ორგანოს ნებართვის გარეშე საზღვრის გადაკვეთის შემდეგ, მანქანები დატვირთეს ავტომზიდებზე და გადაეცათ მძღოლებს, რომელთა ვინაობა არ იყო მითითებული ჩამოთვლილ დოკუმენტებში. დადგინდა, რომ ფაქტობრივად, ძვირადღირებული მანქანები გაგზავნილი იყო მოსკოვში შემდგომი გასაყიდად“, - ნათქვამია განცხადებაში.

რუსეთის სამსახურის ინფორმაციით, მანქანების ღირებულება 200 მილიონ რუბლს (2,2 მილიონი დოლარი) შეადგენს. საბაჟო ტრანზიტის წესის დარღვევის შედეგად, ხუთი დეკლარანტის მიმართ ადმინისტრაციული სამართალდარღვევის საქმე აღიძრა.
ცნობილია, რომ საქართველომ დააწესა აკრძალვა რუსეთში მანქანების რეექსპორტზე, მაგრამ ის არ ეხება მანქანებს, რომლებიც სხვა ქვეყნებში ტრანზიტისთვისაა გათვლილი.

iFact-ის გამოძიებამ ცოტა ხნის წინ დაადგინა, რომ საქართველოდან რუსეთს ყოველდღიურად ასობით მანქანა მიეწოდება, პირდაპირ თუ შუამავალი ქვეყნების მეშვეობით, სანქციების გვერდის ავლით. ჟურნალისტებმა განმარტეს, თუ როგორ მუშაობს საექსპორტო სქემები და რა რისკებს უქმნის უკანონო ბიზნესი საქართველოსთვის.

კვლევაში მითითებულია, რომ მანქანები სომხეთში, ყაზახეთსა და ყირგიზეთში იმავე კომპანიებით გადაჰყავთ, რომლებიც ომამდე რუსეთში მიწოდებით იყვნენ დაკავებულნი.

საქართველოს ფინანსთა სამინისტრო გამოცემასთან კომენტირებისას აცხადებს, რომ მისი მიზანი დეზინფორმაციის გავრცელება იყო.

აშშ-ს, ევროკავშირის, დიდი ბრიტანეთისა და იაპონიის მიერ დაწესებულ სანქციებთან დაკავშირებით, საქართველოს ტერიტორიაზე ყველა სატრანზიტო დერეფანი მკაცრად კონტროლდება“, - ნათქვამია სამინისტროს განცხადებაში.