თუმცა, პრეზიდენტის პრესსპიკერმა, დიმიტრი პესკოვმა განაცხადა, რომ კრემლი უკრაინის ევროკავშირში გაწევრიანების შესახებ განაცხადს „უფრო მეტ ყურადღებას“ მიაქცევს, რადგან ევროკავშირი საკუთარი თავდაცვითი ძალების შექმნას ცდილობს. 

„ევროკავშირში სამხედრო, თავდაცვითი და უსაფრთხოების კომპონენტები განიხილება. ჩვენ, რა თქმა უნდა, ყველაფერს ზედმიწევნით ვაკვირდებით“, - თქვა პესკოვმა.

უკრაინის პრეზიდენტ ზელენსკის ვარაუდით, უკრაინის ამ ნაბიჯს შესაძლოა რუსეთის მხრიდან შურისძიება მოჰყვეს. 
„ცხადია, რუსეთისგან უფრო დიდ მტრულ აქტივობას უნდა ველოდოთ არა მხოლოდ უკრაინის, არამედ ევროპის სხვა ქვეყნების წინააღმდეგაც“, - განაცხადა ზელენსკიმ.