21 წლის ქუთაისელი მევიოლინე გვანცა ბუცხრიკიძე ამერიკის საერთაშორისო კონკურსის  “American international music competition” გამარჯვებული გახდა. გოგონამ მეორე საპრიზო ადგილი მოიპოვა.

“ეს გამარჯვება ჩემთვის და თითოეული წარმატება ძალიან მნიშვნელოვანია, რადგან ყველა კონკურსში საქართველოს სახელით ვიღებ მონაწილეობას და იმდენად დიდ სიყვარულს ვგრძნობ ქართველი ხალხისგან, ვერ მივცემ ჩემს თავს უფლებას რომ მათი იმედები არ გავამართლო” – ამბობს გვანცა ბუცხრიკიძე.

ქართველი გოგონა ნიუ-იორკის კონსერვატორიის მეორე კურსის სტუდენტია. ის აქტიურად მონაწილეობს ამერიკის სხვადასხვა კლასიკური მუსიკის კონკურსებში.  გვანცა ქუთაისში მ.ბალანჩივაძის #1 სამუსიკო სკოლაში, შემდეგ კი მ.ბალანჩივაძის სახელობის ცენტრალური სამუსიკო სასწავლებელში სწავლობდა.