პიანისტი ლევან შენგელია მახათას პანთეონში დაკრძალეს.

ლევან შენგელია მძიმე ავადმყოფობის შედეგად 14 აგვისტოს გარდაიცვალა. იგი 55 წლის იყო. დაკრძალეს მახათას მწერალთა და საზოგადო მოღვაწეთა პანთეონში.

ლევან შენგელია 1969 წლის 6 მაისს დაიბადა სამტრედიაში. ჯერ კიდევ სრულიად ახალგაზრდა წავიდა ამერიკის შეერთებულ შტატებში და იქ მოღვაწეობდა. პერიოდულად ჩამოდიოდა საქართველოში. მის პროექტებს შორის გამორჩეულია მუსიკალური საღამოები „ჯადოსნური ღამე“, რომელიც საქართველოში ყოველწლიურად იმართებოდა.

იგი ასევე ასწავლიდა ნიუ-იორკის საფორტეპიანო სასწავლებელსა (Piano School of New York City) და ანსელმოს მუსიკისა და ხელოვნების აკადემიაში (Anselmo Academy of Music and the Arts). იყო ანსამბლ „საუნჯის“ სამხატვრო ხელმძღვანელი.