პენიტენციური სამსახურის განცხადებით, სიმართლეს არ შეესაბამება გავრცელებული ინფორმაცია, რომ თითქოს N12 დაწესებულების ტერიტორიაზე განსაკუთრებული მობილიზებაა და სპეცრაზმისა და პოლიციის კოლონების შეყვანა ხდება

30/10/2021

14:49

სამართალი

A-

ამობეჭდე

სპეციალური პენიტენციური სამსახურის განცხადებით, გავრცელებული ინფორმაცია, თითქოს N12 დაწესებულების ტერიტორიაზე განსაკუთრებული მობილიზებაა და ხდება სპეცრაზმისა და პოლიციის კოლონების შეყვანა, სიმართლეს არ შეესაბამება და საზოგადოების შეცდომაში შეყვანის მორიგი მცდელობაა.

როგორც უწყების მიერ გავრცელებულ განცხადებაშია ნათქვამი, კადრები, რომელიც გავრცელდა, არის არა N12 დაწესებულების ტერიტორია, არამედ რუსთავში მდებარე სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს ბაზა.

„ინფორმაციისთვის, სპეციალურმა პენიტენციურმა სამსახურმა პირველ ოქტომბერს შინაგან საქმეთა სამინისტროს მიმართა უსაფრთხოების ნორმების მაქსიმალურად დაცვის მიზნით გამოეყო დამატებითი ძალები, რომელიც განთავსებული არის სწორედ ინფორმაციულ-ტექნიკური უსაფრთხოების მთავარი სამმართველოს ბაზაზე.

გავრცელებულ კადრებშიც სწორედ შინაგან საქმეთა სამინისტროს დამატებითი ძალების როტაციის პროცესია ასახული და რაიმე განსაკუთრებული მობილიზება N12 დაწესებულების მიმდებარედ არ ხდება“, - ნათქვამია პენიტენციური სამსახურის განცხადებით.

403