“ძლიერი საქართველო - ლელო, ხალხისთვის, თავისუფლებისთვის“ წევრის, ირაკლი კუპრაძის განცხადებით, მანდატების ჩახსნასთან დაკავშირებით ინდივიდუალური გადაწყვეტილებები იქნება.

“ჩვენი პოზიცია ნათელია, ოთხივე პოლიტიკური სუბიექტის მიერ ერთდროულად ამ გადაწყვეტილების მიღება იქნებოდა ბევრად უფრო სწორი, თუმცა როგორც უკვე ვხედავთ, სამწუხაროდ, ეს არ იქნა გათვალისწინებული და ვერ მოხერხდა. ამიტომ, იქნება ინდივიდუალური გადაწყვეტილებები. “კოალიცია ძლიერი საქართველო“ ყოველთვის არის მკაფიო, პირდაპირი და თამამი საკუთარ განცხადებებში. პირველ საათზე მოისმენთ სწორედ ასეთ განცხადებას“, - განაცხადა ირაკლი კუპრაძემ.