ოკუპირებული ე.წ. სამხრეთ ოსეთის დეფაქტო პრეზიდენტმა ალან გაგლოევმა ე.წ. თავდაცვის მინისტრი მარატ პავლოვი თანამდებობიდან გაათავისუფლა.

თანამდებობას დროებით პავლოვის მოადგილე პერსონალთან მუშაობის საკითხებში ინალ საბანოვი შეასრულებს.

დეფაქტო პრეზიდენტის პრესსამსახურში საკადრო გადაწყვეტილების მიზეზზე არ საუბრობენ.

გაგლოევმა პავლოვი „თავდაცვის მინისტრად“ 2022 წლის აგვისტოში დანიშნა. მანამდე ის ხელმძღვანელობდა რუსეთის თავდაცვის სამინისტროს საერთაშორისო თანამშრომლობის დეპარტამენტს.