ცხრა ადამიანი საავადმყოფოში გადაიყვანეს მას შემდეგ, რაც მომიტინგეები სოხუმში ე.წ. სამთავრობო შენობების კომპლექსში შეიჭრნენ. ამის შესახებ ე.წ. ჯანდაცვის სამინისტროს პრესსამსახური იუწყება.

„9 ადამიანი სხვადასხვა სიმძიმის დაზიანებებით გადაიყვანეს საავადმყოფოში, არ არსებობს ინფორმაცია, რომ ვინმე მძიმედ დაშავდა“ - თქვეს დეფაქტო უწყებაში.

პარასკევს, ოკუპირებული აფხაზეთის „პარლამენტს“ რუსეთთან საინვესტიციო შეთანხმების რატიფიცირება უნდა განეხილა. ოპოზიცია ამ დოკუმენტის რატიფიცირებას ეწინააღმდეგება, რადგან მიაჩნია, რომ საუბარია აფხაზეთში ბინების რუსეთისთვის მიყიდვაზე. შედეგად, „პარლამენტარებმა“ გადაწყვიტეს საკითხის განხილვა მომავალ კვირამდე გადაედო.