ნეიმარი საუდის არაბეთის კლუბის „ალ-ჰილალის“ ფეხბურთელი გახდა. გუნდმა ოფიციალურად გამოაცხადა ბრაზილიელი ფეხბურთელის ტრანსფერის შესახებ და ფორვარდი საკლუბო ფორმაში გამოწყობილი წარადგინა.

პრესა წერდა, რომ ნეიმარმა „ალ-ჰილალთან“ ორწლიანი კონტრაქტი გააფორმა კიდევ ერთი წლით გახანგრძლივების ოპციით.

გაზეთ L’Équipe-ის ინფორმაციით, ამ დროის განმავლობაში ნეიმარი 160 მილიონ ევროს გამოიმუშავებს. ასევე იტყობინებოდნენ, რომ ბრაზილიელის ყოფილი კლუბი „პარი სენ-ჟერმენი“ ფეხბურთელის სანაცვლოდ 120 მილიონ ევროს მიიღებს, რაც პარიზული კლუბის ისტორიაში სარეკორდო გაყიდვაა.

გასულ სეზონში ნეიმარმა ლიგა 1-ში 20 მატჩი ჩაატარა, 13 გოლი გაიტანა და 11 შედეგიანი გადაცემა შეასრულა.