“ზარი ნიუ იორკიდან ევროვიზიამდე ერთი დღით ადრე - ნუცამ ბროდვეის ახალი მიუზიკლის ქასთინგის პირველი ეტაპი წარმატებით გაიარა” - ამის შესახებ ინფორმაციას საქართველოს პირველი არხი ავრცელებს.

ნუცა ბუზალაძემ აღნიშნულის შესახებ ქალაქ მალმეში მაშინ შეიტყო, როცა “ევროვიზია 2024"-ისთვის მზადებას განაგრძობდა.

ქართველი მომღერალი საერთაშორისო მუსიკალურ კონკურსზე ხვალ, 9 მაისს, მე-11 ნომრად გამოვა.

Firefighter – ასე ჰქვია 2024 წლის საქართველოს საკონკურსო სიმღერას, რომელიც დარკო დიმიტროვმა და ადა სატკამ სპეციალურად ნუცასთვის დაწერეს.