ნომრის მფლობელმა განაცხადა, რომ სერიალის გამოსვლის შემდეგ ის ყოველდღიურად დაახლოებით 4000 ზარსა და შეტყობინებებს იღებს. ამის გარდა, დაზარალდნენ ადამიანები, რომლებსაც მსგავსი ტელეფონის ნომრები აქვთ.
”მწარმოებელ კომპანიასთან ერთად ამ საკითხის მოგვარებაზე ვმუშაობთ, მათ შორის იმ სცენების რედაქტირებაზე, რომელიც ტელეფონის ნომერს ასახავს“, - განაცხადეს Netflix-ში.

პოპულარულ სერიალ „კალმარის თამაშის“ რამდენიმე სცენაში ნამდვილი ტელეფონის რვანიშნა ნომერი გამოიყენებოდა. სიუჟეტის მიხედვით, ადამიანები სავიზიტო ბარათს იღებენ, რომელიც მათ სასიკვდილო თამაშში გადარჩენისთვის იწვევს. საკუთარი სიცოცხლის სასწორზე დადების ფასად, 456 მოთამაშეს შეუძლია, ექვს საბავშვო თამაშში, 40 მილიონი დოლარის ოდენობის პრიზისთვის, ერთმანეთს შეებრძოლოს.

ტელეფონის ნომრის მფლობელმა განაცხადა, რომ მისი კონფიდენციალურობა მას შემდეგ დაირღვა, რაც სერიალი 17 სექტემბერს პირველად გავიდა ეთერში. დღის განმავლობაში მის ტელეფონზე ათასობით ზარი და შეტყობინება შედიოდა.
ცნობილი გახდა, რომ ტელეფონის ნომრის მფლობელის გარდა, მისი მეუღლე და კიდევ ერთი ადამიანი დაზარალდა, რომლეთა ნომრები, სერიალში ასახულისგან, მხოლოდ ერთი ციფრით განსხვავდებოდა.