"მივესალმები ყაზახი ხალხის თავისუფლებისთვის ბრძოლას. ეს არის ნათელი მაგალითი, რომ რაც უნდა რეპრესიები განახორციელოს რეჟიმმა, რამდენი ხალხიც უნდა დაიჭიროს, რა სპეცრაზმებიც უნდა მიუქსიოს, მთავარი ძალა თავისუფლებისმოყვარე ხალხშია. ხალხი არ მოითმენს კორუფციას, სოციალურ უსამართლობასა და არაფორმალურ მმართველობას. ჩემთან, კიევში, შარშან, სექტემბერში ჩამოსული იყო ყაზახ ოპოზიციონერთა დიდი ჯგუფი და უკვე მათთან საუბრით მივხვდი, რომ სამოქალაქო საზოგადოება მზად იყო ცვლილებებისთვის. ​ამავე დროს, უნდა აღვნიშნო, რომ ნაზარბაევს, ივანიშვილისგან განსხვავებით, საკმაოდ ბევრი ჰქონდა გაკეთებული ყაზახეთისთვის, მაგრამ ეს არ აძლევს მას უფლებას, პირად საკუთრებად ექცია ქვეყანა და არაფორმალურად მართოს ფუფუნების პირობებში ჩრდილიდან", - წერს სააკაშვილი.