მანუჩარ შერვაშიძე საქართველოს შოთა რუსთაველის სახელობის სახელმწიფო თეატრალური ინსტიტუტის დამთავრების შემდეგ, 1955 წლიდან მოღვაწეობდა ბათუმის ილია ჭავჭავაძის სახელობის სახელმწიფო დრამატულ თეატრში.

მან არაერთი სასცენო ხელოვნების უნიკალური შედევრები შექმნა, რომელთა შორის განსაკუთრებულია: ხარიტონი (კოლმეურნის ქორწინება), ნუგზარი (ზღვა და სიყვარული), ჩინჩახელი (ეზოში ავი ძაღლია), ყვარყვარე (ყვარყვარე თუთაბერი), პოლონიუსი (ჰამლეტი), ილარიონი (მე, ბებია, ილიკო და ილარიონი) ჯანიკო (როცა ქალაქს ძინავს), ცამცუმი (აიეტი) და მრავალი სხვა. 

მდიდარია ბატონი მანუჩარის მიერ შესრულებული ეკრანული სახეების პალიტრა, მას ორმოცდაათზე მეტ ფილმშია აქვს გადაღებული. მან მაყურებელს განსაკუთრებით დაამახსოვრა თავი ფილმში „რეკორდი" დურუ ხუნჭუას როლის შესრულებით.

მანუჩარ შერვაშიძის შემოქმედება დაკავშირებულია ქართველი თეატრისა და კინოს უდიდეს წარმატებებთან, მის მიერ შესრულებული მხატვრული სახეები ქართული საშემსრულებლო ხელოვნების ისტორიის ოქროს ფონდის ნაწილია.

ქართული თეატრის განვითარებაში შეტანილი განსაკუთრებული წვლილისათვის ბატონ მანუჩარ შერვაშიძეს მიენიჭა აჭარის დამსახურებული (1961), საქართველოს დამსახურებული (1967) და საქართველოს სახალხო არტისტის (1982) საპატიო წოდებები, იგი იუსუფ კობალაძისა და უშანგი ჩხეიძის სახელობის პრემიების ლაურეატია, 2010 წელს მიენიჭა ბათუმის საპატიო მოქალაქის წოდება,

ბათუმის დრამატული თეატრის წინ გახსნილია მანუჩარ შერვაშიძის სახელობის ვარსკვლავი, მინიჭებული აქვს ,,დიდასკალოსის“ საპატიო წოდება.