მონაზონი, რომელსაც 2 დღის წინ ხაშურისა და სურამის ეპარქიის დედათა მონასტერში ფიზიკურად გაუსწორდნენ, თბილისში, კავკასიის მედიცინის ცენტრში მკურნალობას განაგრძობს.

პაციენტის ინტერესებიდან გამომდინარე, ჯანმრთელობის მდგომარეობის შესახებ დეტალური ინფორმაცია არ ვრცელდება, თუმცა ცნობილია, რომ მონაზონი რეანიმაციულ განყოფილებაში არ მკურნალობს.

ცნობისთვის, 25 ნოემბერს, გვიან ღამით ხაშურის მუნიციპალიტეტის სოფელ ცხრამუხაში, ყაჩაღობის მიზნით დედათა მონასტერში ორი უცნობი პირი შეიჭრა. კაცებმა მონაზონი სცემეს, ერთ-ერთმა კი გააუპატიურა. შსს-მ დანაშაული  მალევე გახსნა და ცხელ კვალზე დაკავებულია 2 პირი. მათ ბრალად ედებათ ჯგუფური ყაჩაღობა და გაუპატიურება.