ტვ პირველის საინფორმაციო სამსახურის უფროსი, ნოდარ მელაძე სოციალურ ქსელში წერს, რომ ტელევიზიის ოპტიკურ-ბოჭკოვანი მაგისტრალური კაბელი დაუდგენელ ვითარებაში დაზიანდა.

"დაუდგენელ ვითარებაში დაზიანდა ტელევიზიის ოპტიკურ-ბოჭკოვანი მაგისტრალური კაბელი. ამ დროისთვის ვცდილობთ აღდგეს სათადარიგო ქსელით არხის მაუწყებლობა.  იქ, სადაც გაითიშა, წესით სარეზერვო სიგნალით უკვე უნდა იყოს ჩართული ტვ პირველი.

ამ დრომდე ვერ ხერხდება გარე ჩართვის მოწყობილობების და სტუდიის დაკავშირება, ვერ ვაკეთებთ პირდაპირ ჩართვებს, ვერც თბილისიდან, ვერც საქართველოს რეგიონებიდან.

ველით მომსახურე კომპანიისგან უფრო მეტს დეტალს, რა ვითარებაში დაზიანდა თუ გადაჭრეს ჩვენი მაგისტრალური კაბელი", - დაწერა მელაძემ.