კატარში მიმდინარე მსოფლიოს ჩემპიონატზე +100 კილოგრამ წონით კატეგორიაში ფრანგმა ტედი რინერმა გაიმარჯვა და მეთერთმეტედ დაეუფლა მსოფლიოს ოქროს.

ტედიმ მიჯრით რუმინელი ვლადუტ სიმიენესკუ, პოლონელი კასპერ ჟულოვსკი, მონღოლი ცეცეცენგელ ოდხუ, იაპონელი ტაცურო საიტო, ტაჯიკი ტემურ რახიმოვი და რუსი ინალ ტასოევი დაამარცხა.

შეგახსენებთ, დღეს ქართველთა მხრიდან ტატამზე გურამ თუშიშვილი და სოფიო სომხიშვილი (+78 კგ) წარსდგნენ, თუმცა ნაადრევად გამოეთიშნენ.

რაც შეეხება გუნდურ ჩათვლას, საქართველოს ნაკრები მამაკაცთა შორის პირველ ადგილზე გავიდა (2 ოქრო, 1 ვერცხლი, 1 ბრინჯაო).