„თქვენ იცით, რომ ამ ხნის განმავლობაში მასშტაბური სამუშაოები განხორციელდა მეწყრულ ზონაში: დამონტაჟდა მონიტორინგის სისტემები; ფერდიდან მოიხსნა დიდი მოცულობის მიწა; შეიქმნა ე.წ. წინაღობები; გაკეთდა ჭაბურღილები და განხორციელდა ცემენტაცია, ასევე გამოყენებული იყო ანკერები. ამჟამად მიმდინარეობს ფერდის გამწვანება - იგება ბალახის საფარი. უახლოეს მომავალში კი დაგეგმილია ზედაპირული წყლების ასაცილებლად სადრენაჟე არხის მოწყობა. პროექტი დიდი გამოცდილების მქონე, ქართველი და გერმანელი სპეციალისტების ჩართულობით, მათი რეკომენდაციების გათვალისწინებით მიმდინარეობდა, რისთვისაც მადლობა მინდა გადავუხადო თითოეულ მათგანს“, - განაცხადა კახა კალაძემ.