ბელფასტის ჯანმრთელობისა და სოციალური დაცვის ფონდისა და ირლანდიის ქირურგთა სამეფო კოლეჯის ჯგუფმა დაასახელა კვირის ყველაზე გავრცელებული დღე გულის შეტევისთვის. ეს ორშაბათი აღმოჩნდა. ინფორმაციას უცხოური მედია ავრცელებ.

სამუშაოს შედეგები მანჩესტერში ბრიტანული კარდიოვასკულარული საზოგადოების (BCS) კონფერენციაზე იყო წარმოდგენილი.

კვლევის დროს ავტორებმა გააანალიზეს ათი ათასზე მეტი პაციენტის მონაცემები ირლანდიიდან, რომლებიც ჰოსპიტალიზებული იყვნენ 2013-2018 წლებში გულის შეტევის ყველაზე სერიოზული ტიპის, მიოკარდიუმის ინფარქტით (STEMI) ST სეგმენტის ელიმინაციით.ეს მდგომარეობა გამოწვეულია კორონარული არტერიის ბლოკირებით.

მათ აღმოაჩინეს, რომ ამ ტიპის გულის შეტევით საავადმყოფოებში მოხვედრის ზრდა ყველაზე ხშირად ხდება კვირის დასაწყისში და ბოლოს, ორშაბათს და კვირას. ჯერჯერობით, ეს მოსაზრება სრულად არ არის ახსნილი, მაგრამ წინა სამუშაოებმა აჩვენა, რომ ასეთი კორელაცია შეიძლება ასოცირებული იყოს ცირკადულ რიტმებთან.